“కిట్టు ఉన్నాడు జాగ్రత్త” ట్రైలర్ రిలీజ్

Posted February 4, 2017

kittu unnadu jagratha movie trailer releasedప్రస్తతం టాలీవుడ్ లో మంచి జోష్ తో యాక్ట్ చేసే హీరోల్లో రాజ్ తరుణ్ పేరు ముందుంటుంది. డైలాగ్ డెలివరీలో కాస్త పల్లెటూరి స్లాంగ్ ని మిక్స్ చేస్తూ  అటు మాస్ ని ఇటు క్లాస్ ని ఆకట్టుకోగల సత్తా ఉన్న నటుడు ఈ యంగ్ హీరో. ఉయ్యాల జంపాల, కుమారి 21F, సినిమా చూపిస్తా మామ, ఈడోరకం ఆడోరకం  వంటి సూపర్ హిట్స్ తో దూసుకుపోతున్న ఈ కుర్రాడు నటిస్తున్న తాజా చిత్రం కిట్టు ఉన్నాడు జాగ్రత్త.

ఓ యంగ్ స్టర్ వరుసగా కుక్కల్ని కిడ్నాప్ చేస్తుంటాడని,  అయితే కుక్కల్ని కిడ్నాప్ చేసేది ఓ అమ్మాయి కోసమే అయినా ఆ  కిడ్నాప్ ల వెనుక చాలా మీనింగే ఉంటుందని చిత్ర యూనిట్ చెబుతోంది. ఈ చిత్ర ట్రైలర్ ని రీలీజ్ చేసిన దర్శకనిర్మాతలు… కుక్కల్ని కిడ్నాప్ చేసేవాడు కాబ‌ట్టి `కిట్టు ఉన్నాడు జాగ్రత్త`  అనే టైటిల్ అర్ధవంతంగా ఉందని చెబుతున్నారు. ఈ సినిమాలో కిట్టు గాడిగా రాజ్ తరుణ్ నటిస్తుండగా, అను   ఇమాన్యుయేల్ హీరోయిన్ గా నటిస్తోంది. దాదాపు తాను నటించిన అన్ని సినిమాలతో హిట్స్ అందుకున్న రాజ్ తరుణ్ కి కిట్టు గాడు ఎటువంటి హిట్ ను అందివ్వనున్నాడో చూడాలి.