బూతులు త‌ట్టుకోలేకపోతున్న శ‌శిక‌ళ‌!!

0
44

 Posted March 24, 2017

scolding letters to sashikala
బెంగళూరు జైల్లో శిక్ష అనుభ‌విస్తున్న శ‌శిక‌ళ‌కు కుప్ప‌లు తెప్ప‌లుగా లేఖ‌లు వ‌స్తున్నాయి. కొంప‌దీసి చిన్న‌మ్మ అభిమానులెవ‌రైనా రాస్తున్నారా? అని ఆశ్చ‌ర్య‌పోకండి. ఆమెకు అంత సీన్ లేదు కానీ… అమ్మ అభిమానులు, అన్నాడీఎంకే క్యాడ‌ర్ ఈ లేఖ‌లు రాస్తున్నారు.

త‌మిళ‌నాడులో శ‌శిక‌ళ అంటేనే అంతెత్తున లేస్తున్నారు అమ్మ అభిమానులు, అన్నాడీఎంకే క్యాడ‌ర్. ఆమెను నేరుగా క‌లిసే అవ‌కాశం లేదు కాబ‌ట్టి ఆ కోపాన్నంతా లేఖ‌ల్లో రాసి… బెంగుళూరు జైలుకు పోస్ట్ చేస్తున్నారు. శ‌శిక‌ళ‌, సెంట్ర‌ల్ జైలు, ప‌ర‌ప్ప‌న అగ్ర‌హార‌, బెంగ‌ళూరు-560100 అడ్ర‌స్ తో ఆలేఖ‌లు వ‌స్తున్నాయ‌ట‌. ఇలా జైలుకు రోజురోజుకు వ‌చ్చే లేఖ‌ల సంఖ్య పెరుగుతూనే ఉంద‌ట‌. తమిళనాడు రాజధాని చెన్నై నగరంతో సహ తిరుచ్చి, కరూర్, దిండిగల్, మదురై, ధర్మపురి, సేలం, కృష్ణగిరి తదితర ప్రాంతాల నుంచి ఈ ఉత్తరాలు వ‌స్తున్నాయి.

ఆ లేఖ‌ల‌ను మొద‌ట్లో చ‌దివేవార‌ట శ‌శిక‌ళ‌. ఇప్పుడు చ‌ద‌వ‌డం మానేశార‌ట‌. దాని కార‌ణం ఆ లేఖ‌ల్లో విప‌రీత‌మైన బూతులు ఉంటున్నాయ‌ట‌. చిన్న‌మ్మ‌ను బండ‌బూతులు తిడుతూ.. నోటికొచ్చిన‌ట్టు శాప‌నార్థాలు పెడుతున్నార‌ట‌. అమ్మ‌ను పొట్ట‌న‌బెట్టుకుంది నీవేనంటూ శ‌శిక‌ళ‌పై ఆగ్ర‌హం వ్య‌క్తం చేస్తున్నార‌ట‌.

జైలు వ‌ర్గాల ప్ర‌కారం ఓ లేఖ‌లో… విశ్వాసఘాతకురాలివి, వెన్నుపోటుదారువి, నీకు కనీస కృతజ్ఞత లేదు… నీకు జీవితాన్ని, సర్వస్వాన్ని ఇచ్చిన వ్యక్తినే మోసం చేశావు.. గుర్తుపెట్టుకో, నువ్వు చేసిన నిర్వాకానికి అంతకంతకు అనుభవిస్తావు” అని శ‌శిక‌ళ‌పై ఆగ్ర‌హం వ్య‌క్తం చేశార‌ట‌. దీంతో ఈ బూతులు త‌ట్టుకోలేక చిన్న‌మ్మ ఈ లెట‌ర్లను చ‌ద‌వ‌డం మానేశార‌ట‌. ఒక్కోసారి కోపంతో ఆ లెట‌ర్ల‌ను అక్క‌డిక‌క్క‌డే చించి ప‌డేస్తున్నార‌ట‌. అస‌లే జైలు వాతావ‌ర‌ణం ప‌డ‌ట్లేదంటే… ఈ లెట‌ర్లతో చిన్న‌మ్మ‌కు మ‌న‌శ్శాంతి క‌రువైపోయింద‌ట‌.మొత్తానికి ఎన్నిక‌ల వేళ ఈ లెట‌ర్ల వ్య‌వ‌హారం ఇప్పుడు చిన్న‌మ్మ వ‌ర్గంలో గుబులు రేపుతోంది!!!