దేవినేని కన్నుమూత…

0
623
devineni nehru passed away

Posted [relativedate]

devineni nehru passed away
విజయవాడ లో కీలకభూమిక పోషించి ఆంధ్రప్రదేశ్ రాజకీయాల్లో తనదైన ముద్రవేసిన సీనియర్ నాయకుడు దేవినేని నెహ్రు కన్నుమూశారు.హైదరాబాద్ లో ఈ తెల్లవారుజామున నాలుగు గంటల ప్రాంతంలో ఆయనకు గుండెపోటు వచ్చింది. వెంటనే కేర్ ఆస్పత్రికి తీసుకెళ్లినా ఫలితం లేకపోయింది. 4 .25 ప్రాంతంలో ఆయన చనిపోయినట్లు డాక్టర్లు నిర్ధారించారు.కిడ్నీ వ్యాధితో బాధపడుతున్న నెహ్రూ ఆసుపత్రి నుంచి రెండు రోజుల కిందటే డిశ్చార్జ్ అయ్యారు.ఇంతలో ఇలా ఊహించని విధంగా మృత్యువు ఆయన్ని కబళించింది.

విద్యార్థి రాజకీయాలతోనే విజయవాడలో తనకంటూ ఓ గుర్తింపు తెచ్చుకున్న నెహ్రూ టీడీపీ ఆవిర్భావంతో ఆ పార్టీ లో కీలకంగా,ఎన్టీఆర్ కి అత్యంత సన్నిహితంగా మెలిగారు.కంకిపాడు నుంచి ఐదుసార్లు ఎమ్మెల్యేగా ఎన్నికయ్యారు.నాలుగు సార్లు దేశం అభ్యర్థిగా,ఓ సారి కాంగ్రెస్ అభ్యర్థిగా కంకిపాడులో నెహ్రు గెలిచారు.ఎన్టీఆర్ హయాంలో ఓ సారి మంత్రిగా కూడా పనిచేశారు.ఎన్టీఆర్ మరణించేదాకా నెహ్రూ ఆయన వెన్నంటే వున్నారు.ఆయన చనిపోయాక నెమ్మదిగా లక్ష్మీపార్వతితో దూరమై కాంగ్రెస్ లో చేరారు.రాష్ట్ర విభజన తర్వాత కాంగ్రెస్ దెబ్బతినడంతో ఇటీవలే ఆయన కుమారుడు దేవినేని అవినాష్ తో సహా టీడీపీ లో చేరారు.

Leave a Reply