గుంటూరు రియల్ ఎస్టేట్ కి దిల్ రాజు ఊపు?

0
671
dil raju singer mano build new multiplex in guntur inner ring road

Posted [relativedate]

dil raju singer mano build new multiplex in guntur inner ring road
గుంటూరు …రియల్ ఎస్టేట్ …దిల్ రాజు…ఇలా ఒకదానికి ఒకటి పొంతన లేని విషయాల్ని కలిపి చెప్పేస్తున్నారు అనుకుంటున్నారా? అదేమీ లేదు ..పై హెడ్డింగ్ లో విషయంలోఎలాంటి సందేహం అక్కర్లేదంట.ఇది గుంటూరు కేంద్రంగా రియల్ ఎస్టేట్ బ్రోకర్లు పెద్ద ఎత్తున చేస్తున్న ప్రచారం.ఆకాశాన్ని అంటిన ధరలు,అంతంత మాత్రంగా రాజధాని నిర్మాణపు పనులు,పెద్ద నోట్ల రద్దు ఇలా వరుస కారణాలతో గుంటూరు లో రియల్ ఎస్టేట్ రంగం కొన్నాళ్లుగా పడకేసింది.ఒకటి రెండు చోట్ల మాత్రం పరిస్థితి కొంత నయం.అందులో గుంటూరు ఇన్నర్ రింగ్ రోడ్ ప్రాంతం ఒకటి. అక్కడ మాత్రమే అపార్ట్ మెంట్ ల నిర్మాణం చురుగ్గా సాగుతోంది.అమ్మకాల కోసం అక్కడి రియల్ ఏజెంట్స్ అంతా దిల్ రాజు జపం చేస్తున్నారు.

రియల్ ఏజెంట్స్ అలా చెప్పడానికి కారణం ఏమిటంటే …గుంటూరు ఇన్నర్ రింగ్ రోడ్ ప్రాంతంలో నిర్మాత దిల్ రాజు,సింగర్ మనో కలిసి ఓ భారీ మల్టిప్లెక్స్ నిర్మాణం చేస్తున్నారని ఏజెంట్స్ చెబుతున్నారు.ఇప్పటికే రెస్టారెంట్స్ వచ్చిన ఆ ప్రాంతానికి దిల్ రాజు వస్తున్నాడన్న వార్త కొనుగోలుదారుల్లో ఆసక్తి రేపుతోంది.అమ్మకాలపై దాని ప్రభావం కనిపిస్తోందని కూడా ఏజెంట్స్ చెబుతున్నారు.మొత్తానికి డల్ గా ఉన్న గుంటూరు రియల్ ఎస్టేట్ రంగానికి దిల్ రాజు పేరు ఎంతోకొంత ఊపు ఇస్తుందన్నమాట.

Leave a Reply