Posted [relativedate]
ఏ సినిమాకైనా సెన్సార్ బోర్డు ఇచ్చే సర్టిఫికేటే మూలం. వాళ్లు సర్టిఫికేట్ ఇవ్వకుంటే సినిమా విడుదల జరగదు. అటువంటి సెన్సార్ బోర్డు ఓ సినిమాకు సర్టిఫికేట్ జారీ చేసేందుకు మాత్రం నో చెప్పింది. అది మోదీ సినిమా అయినా సర్టిఫికేట్ ఇవ్వలేమని సెన్సార్ బోర్డు సభ్యులు తేల్చి చెప్పేశారు. దీంతో ఆ చిత్ర నిర్మాత సెన్సార్ బోర్డుపై అసంతృప్తి వ్యక్తం చేశారు.
ప్రధాని నరేంద్రమోదీ జీవితంలోని కీలక అంశాల ఆధారంగా ‘మోదీ కా గావ్’ సినిమా తెరకెక్కుతోందన్న విషయం తెలిసిందే. తుషార్ ఏ గోయల్ దర్శకత్వం వహించిన ఈ చిత్రాన్ని సురేష్ ఝా నిర్మించారు. కాగా ప్రస్తుతం ఐదు రాష్ట్రాల్లో అసెంబ్లీ ఎన్నికలు జరుగుతున్నందున ఈ చిత్రాన్ని విడుదల చేయలేమని, సర్టిఫికేట్ ని ఇవ్వలేమని సెన్సార్ బోర్డు తేల్చి చెప్పింది. అలాగే చిత్రంలో పప్పు బీహారీ అనే పదాన్ని, ఓ పాటను తొలగించాలని సెన్సార్ బోర్డు సూచించింది.
అయితే తన సినిమా విడుదల కాకుండా కావాలనే సెన్సార్ బోర్డు మెలిక పెట్టిందని, అవసరమైతే కోర్టుకు వెళతానని చిత్ర నిర్మాత ఝా ఆవేదన వ్యక్తం చేశారు. ఎన్నికల కమిషన్ నుండి NOC తెచ్చుకోమని బోర్డు చెబుతోందని, తాను NOC తెచ్చుకుంటే సెన్సార్ బోర్డు ఎందుకని నిర్మాత ప్రశ్నిస్తున్నారు. మరి ఈ విషయంపై అటు సెన్సార్ బోర్డు, ఇటు చిత్ర యూనిట్ ఏం చేయనుందో చూడాలి.
ప్రస్తుతం సోషల్ మీడియాలో హాట్ టాపిక్ గా మారింది కాటమరాయుడు సినిమా. ఇప్పటివరకు కేవలం పోస్టర్లతోనే సర్దుకున్న పవన్ అభిమానులు రీసెంట్ గా విడుదలైన టీజర్ తో పండగ చేసుకుంటున్నారు. కేవలం 57 ఏడు గంటల్లో 5 మిలియన్ వ్యూస్ సాధించిన ఈ సినిమా రికార్డులను తిరగరాసింది. ఇక అసలు విషయానికొస్తే ఈ చిత్రంలో హీరో ఇంట్రడక్షన్ సాంగ్ అంటూ ఓ పాట సోషల్ మీడియాలో వైరల్ అవుతోంది. వెస్ట్రన్ బీట్ తో ఉన్న ఆ పాట పవన్ మునపటి సినిమాల్లాల్లోని పాటలానే ఉండడంతో అభిమానులు విని తెగ ఎంజాయ్ చేస్తున్నారు. కాగా సినిమాలోని పవన్ క్యారక్టర్ ని కొట్టచ్చేట్టు చూపించిన ఈ పాట నిజంగా సినిమాకు సంబంధించినది కాదని, కొంతమంది అభిమానులు సరదాగా చేసిన పాటని కొందరు కొట్టిపారేస్తున్నారు.
ప్రస్తతం టాలీవుడ్ లో మంచి జోష్ తో యాక్ట్ చేసే హీరోల్లో రాజ్ తరుణ్ పేరు ముందుంటుంది. డైలాగ్ డెలివరీలో కాస్త పల్లెటూరి స్లాంగ్ ని మిక్స్ చేస్తూ అటు మాస్ ని ఇటు క్లాస్ ని ఆకట్టుకోగల సత్తా ఉన్న నటుడు ఈ యంగ్ హీరో. ఉయ్యాల జంపాల, కుమారి 21F, సినిమా చూపిస్తా మామ, ఈడోరకం ఆడోరకం వంటి సూపర్ హిట్స్ తో దూసుకుపోతున్న ఈ కుర్రాడు నటిస్తున్న తాజా చిత్రం కిట్టు ఉన్నాడు జాగ్రత్త.