రజినీకాంత్ తో సినిమాపై నోరు విప్పిన రాజమౌళి…

0
475
rajamouli open up on movie with rajinikanth

  Posted [relativedate] at [relativetime time_format=”H:i”]rajamouli open up on movie with rajinikanth

రాజమౌళి… బాహుబలి మూవీ తో ప్రపంచ వ్యాప్తంగా గుర్తింపు పొందిన దర్శకుడు..ఇప్పుడు రాజమౌళి సంపాదించిన ఇమేజ్ ఇండియాలో మరే డైరెక్టర్ సంపాదించలేదు. రజినీకాంత్ హీరో గా ప్రపంచ వ్యాప్తంగా పేరు తెచ్చుకున్న వ్యక్తి… ఆ స్టైల్ ,నటన ఆయన సాధించిన పేరు ప్రఖ్యాతుల గురించి, ఆయన ఇమేజ్ గురించి కొత్తగా చెప్పాల్సిన పని లేదు. వీళ్లిద్దరూ కలిసి ఒక సినిమా చేస్తే రికార్డ్స్ బద్దలు అవ్వటం ఖాయం అని అందరికి తెలిసిన విషయమే. ఈ కల ని నెరవేర్చడానికి మలయాళంలో ‘ప్రేమమ్’ లాంటి ఆల్ టైం క్లాసిక్ తీసిన అల్ఫాన్సో పుతెరిన్ ముందుకు వచ్చారు.

ఈ కాంబినేషన్ గురించి ఆయన మాట్లాడుతూ.. వాళ్లిద్దరూ కలిసి సినిమా చేస్తే అది ‘అవతార్’ కన్నా పెద్దదవుతుంది,ఇప్పటి వరకు నెలకొన్న రికార్డ్స్ అన్ని తుడుచుకొనిపోవటం ఖాయం అని చెప్పారు. ఈ మాటలు కొంచెం విడ్డూరంగా అనిపించొచ్చు కానీ.. ఈ కాంబో లో మూవీ అయితే అది మామూలుగా ఉండదన్నది మాత్రం వాస్తవం.రాజమౌళి కూడా రజినీతో సినిమా చేయడానికి ఎదురుచూస్తున్నట్లు.. రజినీ కూడా ఆసక్తితోనే ఉన్నట్లు కొన్ని రోజులుగా మీడియాలో ప్రచారం జరుగుతోంది.

ఈ నేపథ్యంలో లండన్ లో బాహుబలి టీంతో కలిసి ఓ సినీ కార్యక్రమంలో పాల్గొన్న రాజమౌళి.. అక్కడ బీబీసీ వాళ్లతో చిట్ చాట్ సందర్భంగా రజినీతో సినిమా గురించి స్పందించాడు. రజినీకాంత్ చాలా పెద్ద స్టార్. ఆయన అణకువకు మారుపేరు. రజినీ సార్ తో సినిమా అంటే ఏ దర్శకుడికైనా కల నెరవేరినట్లే. నేను కూడా అందుకు మినహాయింపు కాదు. అయితే నేను ఎవరితో ఏ సినిమా చేయాలన్నా కథే నన్ను నడిపించాలి. కథను బట్టే నటీనటుల్ని ఎంచుకుంటా. ఆయనకు సరిపడే కథ నా దగ్గరుంటే.. ఆయనతో సినిమా చేసేలా కథ నన్ను ఇన్ స్పైర్ చేస్తే కచ్చితంగా చేస్తా. అదే జరిగితే ఈ లోకంలో నాకంటే సంతోషించే వ్యక్తి మరొకరు ఉండరు అని రాజమౌళి అన్నాడు.

Leave a Reply